Павлодарда "Аманчик" деген лақап аты бар қылмыскерлердің серкесі ұсталды

Баспасөз қызметінің ақпаратына сәйкес, тұтқындау шарасын ұйымдасқан қылмыспен күрес басқармасының қызметкерлері жүзеге асырды. Тұтқынның қалтасынан 4 оғы бар тапанша табылды, қарудың номері кесіп тасталған екен.

Полиция жазбаларына жүгінсек, 32 жастағы «Аманчик» Павлодардағы қылмыскерлер әлемінің серкесі болумен бірге, еліміздің басқа да аймақтарындағы қылмыскерлермен тығыз байланысы бар атышулы қылмыскер.
Құқық қорғау органдарындағы ақпарат көзінің мәліметіне жүгінсек, 2000-жылы Аманчик қорқытып ақша алу жөніндегі іс бойынша іздестірілген. Алайда ол ұзақ уақыт бойы ұстатпай кетіпті.
Облыстық ІІБ-ның баспасөз қызметінің мәліметіне сәйкес, бұл «қылмыс әлеміндегі ірі фигураны » ұстауға қатысты еліміз бойынша биылғы алғашқы оқиға болмақ.