Павлодарда электр қуаты қымбаттады

Электр плитасын пайдаланатын тұтынушылар үшін, электр қуатын пайдаланудың бірінші (төменгі) деңгейі үшін тариф 8,43 теңгеден 8,64 теңгеге дейін қымбаттады, - деп «Интерфакс-Қазақстан» агенттігіне бүгін облыстық табиғи монополияларды реттеу департаменті мәлімдеді. Екінші деңгей тарифі (ортаңғы) 10,89 теңге болатын, ол 11,16 теңгеге артты. Үшінші (жоғарғы) деңгей үшін тариф 13,61 теңгеден 13,94 теңгеге артты. Тарифтің өсуі «Павлодарэнерго» АҚ құрамына кіретін ЖЭО-2, ЖЭО станцияларында электр қуатының жіберу бағасының қымбаттауымен байланысты. Павлодарда электр қуаты төлемінің сараланған жүйесі пайдаланылады. Заңды тұлғалар үшін күндізгі тұтыну кезеңінде тариф 11,89 теңгені құрап, 12,20 теңгеге өсті, ал түнгі тұтыну тарифі 3,29 теңгені құрап, 3,37 теңгеге дейін өсті.