Павлодарда газ баллондарының жарылуы салдарынан бір адам қаза тауып, 11 адам жараланды

Желтоқсанның 23-інен 24-іне қараған түні Павлодарда көп қабатты үйде шыққан өрт салдарынан 22 жастағы қыз 7-қабаттың терезесінен секіріп қаза тапты. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Жарақаттанған және күйікке шалдыққан 11 адам ауруханаға түсті. Төтенше жағдайлар жөніндегі министрлігінің ақпаратына сәйкес ауруханаға жеткізілген бес адамның жағдайы аса ауыр деп бағалануда.

Өрт бес литрлік екі газ баллонының жарылысы салдарынан шыққан. Өрттен үш пәтерге зақым келіп, 15 адам басқа жаққа көшірілді.
Өртті сөндіруге ҚР төтенше жағдайлар жөніндегі министрлігінің мемлекеттік өртке қарсы күрес қызметінің 50 адамы мен 13 техникасы жұмылдырылды.