Павлодарда кәсіптік-техникалық мектептің он оқушысы белгісіз заттан уланды

Жасөспірімдердің айтуынша, мектеп қоймасында жүрген олар ішінде белгісіз сұйықтығы бар ыдысты сындырып алған.

Мектепке құтқару қызметінің мамандары мен дәрігерлер шақырылды. Қазір тоғыз бала облыстық балалар ауруханасына, тағы біреуі жедел жәрдем станциясының токсикология бөлімшесіне жеткізілді.
Ал оқыс оқиға болған мектептегілер бұл жайында қандайбір түсініктеме беруден бас тартты.