Бұл туралы Caravan.kz медиа-порталы Tengrinews.kz-қа сілтеме жасап хабарлайды.
"Тоғыз қабатты тұрғын үйде тоғызыншы қабаттағы пәтердің терезесінен үйге жапсарлас салынған "Экстрамед" медициналық орталығының төбесіне 1993 жылы туған әйел құлаған. Зардап шеккен адам ауруханаға жатқызылды", — деді департамент өкілдері.
Оқиға орнына бес құтқарушы мен бір техника шықты.
Облыстық денсаулық сақтау басқармасының мәліметі бойынша, әйел кеуде омыртқасы сынып, бас миы шайқалған диагнозымен № 1 қалалық ауруханаға жеткізілген. Бұғанасы мен сол жақтағы 5, 6, 7-қабырғасы сынған. Әйел мас болған. Ол қарқынды терапия палатасына жатқызылды.