Павлодарға РФ Ингушетия Республикасынан өкілдер келмек - kaz.caravan.kz
  • $ 452.92
  • 484.99
+29 °C
Алматы
2024 Жыл
18 Маусым
  • A
  • A
  • A
  • A
  • A
  • A
Павлодарға РФ Ингушетия Республикасынан өкілдер келмек

Павлодарға РФ Ингушетия Республикасынан өкілдер келмек

Ертең, 4-ақпанда Павлодарға РФ-ның Ингушетия Республикасынан өкілдер келмек. Меймандар жергілікті шешен-ингуш диаспорасы өкілдерімен кездесу өткізуді жоспарлаған. Бұл туралы KZ-today тілшісіне Павлодар облысы әкімінің баспасөз қызметінен хабарлады.

  • 3 Ақпан 2004
  • 558
Фото - Caravan.kz

Өкілдер құрамында республика астанасы Магас қаласы әкімшілігінің жетекшісі Ваха Мержоев, республиканың жастар саясаты, спорт және туризм министрі Исса Оздоев, республиканың бас мүфтиінің орынбасары Абдул-Мажит Дударов тәрізді ресми адамдар бар. Сондай-ақ, өкілдер құрамында «Ингушетия» телерадиокомпаниясының журналистері мен ингуш театрының әртістері де келмекші.

Өкілдер жергілікті шешен-ингуш диаспорасы өкілдерімен және 1995-жылы іргетасы қаланған облыстық шешен-ингуш ұлттық-мәдени орталығының өкілдерімен жүздеспекші. Кездесуде ұлттық дәстүрлерді сақтап қалу тақырыбында әңгіме өрбіп, қонақтар Ингушетия республикасындағы қазіргі әлеуметтік-экономикалық ахуалға тоқталады.
Өкілдер Павлодардан кейін Астана, Алматы және Көкшетау қалаларында аялдайды.
Павлодар облыстық мұрағат департаментінің мәліметтеріне сүйенсек, 1941-1942-жылдарда облысқа 80 мыңнан астам айдалған неміс, поляк, шешен, ингуш және қырым татарлары қоныс аударды.

Соңғы жаңалықтар