Бұрын ауыр атлетикамен шұғыладанған, бүгіндері екінші топтағы мүгедекке айналған 52 жастағы Валерий Лебедевтің мүгедектікке байланысты алатын жәрдемақысының көлемі 4 мың теңге. Оның коммуналдық қызметке берешегі 70 мың теңгеден асып жығылған. Осыған байланысты жергілікті монополистер оны пәтерінен айыруға әрекет жасаса керек.
Павлодардағы сырқат және қарт адамдардың бағым-күтімімен айналысатын әлеуметтік-еріктілер орталығының қызметкерлері мүгедек жанға қолұшын беру туралы азаматтарға мәлімдеме жариялаған. Осы оқиғадан кейін В.Лебедевтің есепшотына ақша аударыла бастады. Жуырда Валерий қарызынан құтылды. Ал еріктілер оған әлеуметтік жәрдемақыны рәсімдеуге қолғабыс жасады.
Қалалық әлеуметтік-еріктілер орталығының директоры Динара Айтжанованың айтуына қарағанда, мүгедекке жанашырлық танытқандардың арасында Павлодарлықтар ғана емес, басқа қала тұрғындары да бар. Мәселен, Алматы қаласының бір әйел тұрғыны Лебедевтің есепшотына 2 мың теңге аударыпты.
Сөйтіп, Қазақстандағы «ең алып» адам серігі — «Альфа» есімді дворняжка ит пен өзіне «ендігі жерде ешбір қауіп төнбейді» деген сенімге ие болды. Бұрынғыдай Альфа азық-түлік әкелуге дүкенге жүгірсе, Валерийдің өзі қайтадан спортпен шұғылдануға кіріспекші.
- $ 517.66
- € 606.49
Алматы
- РУС
- ҚАЗ
2025 Жыл
20 Желтоқсан
