Бұл туралы Caravan.kz медиа порталы Polisia.kz-ке сілтеме жасап хабарлайды .
Павлодар облысы Успен ауданы ауылдарының бірінің тұрғыны заңсыз кәсіпкерлік қызметпен айналысатыны белгілі болды.
– Ағымдағы жылы 9 маусымда сағат 18:00 шамасында ауыл тұрғыны өз үйінен 0,5 литр көлемдегі құрамында спирті бар сұйықтықты рұқсат құжаттарынсыз сатқаны анықталды, – деді Успен ауданының полиция бөлімінің бастығы Берік Оралов.
Қазіргі уақытта сараптама жүргізіліп жатқанын, оның нәтижелері Қазақстан Республикасы ӘҚБтК-нің 463-бабы (Кәсіпкерлік немесе өзге қызметпен айналысу, сондай-ақ тиісті тіркеусіз, рұқсатсыз немесе хабарлама жібермей іс-әрекеттерді жүзеге асыру) бойынша шешім қабылданатынын атап өтті. Айта кетейік, ағымдағы жылы аудан аумағында полиция қызметкерлері кәсіпкерлік немесе өзге қызметпен айналысуға қатысты Қазақстан Республикасы заңнамасының талаптарын бұзудың бес фактісін анықтады.