Пермдегі дәмханада бірнеше адамға пышақ жарақатын салған әзербайжандық азамат Қазақстанда ұсталды

«Біздің мәліметбойынша, Әзербайжан азаматы өткен бейсенбі күні Алматыда ұсталды. Оны құқық қорғау органының қызметкерлері ұшақтан түсіріп алды. Қазір ол құрықталып, Ресейге экстрадициялау туралы мәселе қаралуда», — деп Кудымкар прокуроры Юрий Тиунов бүгін «Интерфакс-Поволжье» агенттігіне мәлімдеді.

Прокурордың айтуынша, Әзербайжан азаматы денсаулыққа қасақан зиян келтірді деп айыпталуда.
«Тергеу болжамына сәйкес, ол «Атлант» дәмханасында бірнеше адамға пышақ жарақатын салған. Сонымен қатар, полиция қызметкері зардап шеккен. Ол қызметте болмағанымен, оқиға болған жерге келіп жеткен әріптестеріне көмектескен», — дейді Ю,Тиунов.
29 мамырға қараған түні Кудымкардағы «Атлант» кафесінде 15 адам төбелескен. Төбелесті бастаған Әзербайжан азаматы болған. Ол жергілікті тұрғынның үстіне сыра төгу салдарынан кикілжің туындаған. Төбелесу кезінде Әзербайжанның екінші бір азаматы кафеге келген жергілікті тұрғындарға пышақ сілтеген. Оған қатысты іздеу жарияланған.
Оқиға салдарынан алты адам жарақат алды.