Перуде студенттер тәртіп сақшыларымен қақтығысты

Перуде студенттер наразылыққа шығып тәртіп сақшыларымен қақтығысты. Екі жақ арасындағы текетірестен 3 адам қаза тауып, 30-дан астамы жараланған.

Бұл жерде де халық жергілікті биліктің жоспарына наразы. Жастар Уанкавелика қаласында тағы бір жоғарғы оқу орнының ашылуына қарсы.  «Себебі, провинцияда жаңа мемлекеттік университет ашылса, ескісін қаржыландыру қысқарады» - дейді олар. Осыған ашынған студенттер жергілікті әкімшілік маңына жиналып, жақын маңдағы бірқатар ғимараттарға от қойған. Бейберекетсіздікті тоқтату үшін полицияның барлық құрамы жұмылдырылғанымен,қақтығыстар екінші күн қатарынан жалғасуда.