Петропавл: Есіл жағасы қоқыстан алғаш рет тазартылуда

Петропавлда Есілдің жағасы бірінші рет қоқыстан тазартылып жатыр. Жыл сайын көктемде арнасынан асатын өзен жағалаудағы күл-қоқысты шайып әкететін.

Биыл су көтерілмей, жыл бойы тонналап жиналған тұрмыстық қалдықтар сол күйі шашылып жатты. Су тасыр деп үміт үзбеген жергілікті шенеуніктер күл-қоқысты жинамай,маусымға дейін күтсе керек. Енді амалдың жоқтығынан іске кірісті.  Тазалық шарасына қаладағы 60-тан астам оқу орны мен кәсіпорын қызметкерлері тартылған.    

Қанат Нұрғалиев, №1 кәсіптік лицей оқытушысы:

-Өзіміз бүлдіреміз,экологияны, сосын«экология, таза ауа керек!» депайқай саламыз. Мынадай қоқыстан кейін қандай тазалық болады? Мұның бәрі Есілге ағады, ал Есілден су ішеміз.