Петропавлда ескі гаражды бұзып жүрген әйел үйінді астында қалды

Петропавлда ескі гаражды бұзып жүрген 42 жастағы әйел құлаған қабырғаның үйіндісі астында қалды. Бұл туралы KZ-today тілшісіне қалалық өртке қарсы күрес басқармасы баспасөз қызметінің жетекшісі Наталья Ковган хабарлады.

Қайғылы оқиға 1-шілде, бейсенбіде болған. Қаза тапқан әйелдің отбасы қалалық сүт зауыты маңындағы ескі гараждардың ғимаратын жалға бұзып жүрген. Сол жердегі төрт гараждың шатыры бір уақытта құлаған.

Н.Ковганның айтуынша, отбасы жұмысқа кіріскелі небәрі екі күн өтіпті. Адамдарды жұмысқа жалдаған кәсіпкер әрбір бұзылған кірпіш үшін 1,5 теңге төлеуге уәде берген көрінеді.