Петропавлда трансфарматорлық үйшікке кіріп кеткен 15 жасар ұл тоққа соғылды

Петропавлда бұрынғы ет комбинаты аумағындағы трансфарматорлық үйшікке кіріп кеткен 15 жасар ұл тоққа соғылды. Түрлі дәрежелі күйікке шалдыққан мектеп оқушысы қалалық үшінші ауруханаға жеткізілген. Бұл туралы KZ-today тілшісіне осы ауруханадан хабарлады.

Аурухананың бас дәрігері Юрий Белоногтың айтуынша, бала денесінің 25 проценті күйген. Ауруханаға жатқызылғаннан кейін зардап шегушінің оң аяғын кесуге тура келді. Қазір аурухананың реанимация бөлімшесінде жатқан науқастың жағдайын дәрігерлер ауыр деп бағалауда.