Балқаш қаласының мамандандырылған әкімшілік сотында азаматша Х.-ға қатысты Қазақстан Республикасы ӘҚБтК-нің 73-1-бабының 1-бөлігіне сәйкес (денсаулыққа қасақана жеңіл зиян келтіру) әкімшілік құқық бұзушылық туралы ісі қаралды, деп хабарланды Қарағанды облыстың сотының сайтында.
Азаматша Х. «Қарағанды-Семей» бағытындағы жолаушылар пойызының вагонында анасымен бірге келе жатқан баланы ұрып-соғып, жеңіл жарақаттаған.
Сот қаулысымен азаматша Х.-ға әкімшілік жаза ретінде 23 825 теңге айыппұл салынды.
Қаулы заңды күшіне енген жоқ.