Бұл туралы Павлодар облысы бойынша ІІД-нің баспасөз қызметінен хабарланды.
Бұған дейін істі болмаған 24-29 жас аралығындағы жігіттер 9 желтоқсан күні сағат 05.30-да бетперде жамылып, үйге баса көктеп кірген. Аңшы қаруымен және көз жасауратқыш газбен қоқан-лоқы көрсеткен олар үй иелерінің ақшасын (100 мың теңге), мүлкін және «ИЖ-81» маркалы қаруын иемденген.
Күдіктілер кінәларын мойындады, олар Екібастұз ІІБ-нің уақытша ұстау абақтысына қамалды. Заттық айғақ — қару тәркіленді, қылмыстық іс қозғалды.