Президент ҚР үкіметі мен Еуропалық Қоғамдастық арасындағы иммунитет және артықшылықтар туралы келісімді бекіту туралы заңға қол қойды

Келісімнің мақсаты — Қазақстан мен Еуропалық Қоғамдастық арасындағы ынтымақтастық пен өзара достық байланыстарды дамыта нығайту болып табылады.

Бұл келісімнің 3-бабына сәйкес, комиссияның өкілдігі, оның басшысы мен қызметкерлері, сондай-ақ, олармен бірге тұратын отбасы мүшелері Қазақстан Республикасының аумағында 1961-жылғы Вена конвенциясына сәйкес артықшылықтар мен иммунитетке ие. Сонымен бірге Еуропалық Қоғамдастық елдерінде Қазақстан өкілдігі, оның басшысы мен қызметкерлері, сондай-ақ, олармен бірге тұратын отбасы мүшелеріне де осымен бірдей артықшылықтар мен иммунитет беріледі.
Келісімге 1993-жылдың 2-ақпанында Брюссельде қол қойылған.