Президенттің баспасөз хатшысы мемлекет басшысының кеңесшісі қызметін қоса атқаратын болды

Мемлекет басшысының өкімімен Мұхтар Құл-Мұхаммед Қазақстан Республикасы президентінің кеңесшісі әрі президенттің баспасөз хатшысы болып тағайындалды. Бұл туралы Елбасының баспасөз қызметінен хабарлады.

Мұхтар Құл-Мұхаммед 44 жаста. Ол С.Киров атындағы Қазақ мемлекеттік университетін бітірген. 1992-1999-жылдарда «Атамұра» корпорациясының президенті болды. 1999-жылдың қараша айы мен 2001-жылдың мамыр айлары аралығында ҚР парламенті сенатының депутаты болып тағайындалды. 2001-жылдың мамыр айында ҚР мәдениет, ақпарат және қоғамдық келісім министрі болып тағайындалды. Соңғы уақыттарда мемлекет басшысының баспасөз хатшысы болып табылады.