Путиннің алдағы елімізге ресми сапары екі мемлекеттің өзара интеграциясын тереңдетуге бағытталады - Қазақстан Республикасының Ресейдегі елшісі

Ресей президенті Владимир Путиннің алдағы елімізге ресми сапарын екі мемлекеттің өзара интеграциясын тереңдетуге бағытталған президенттер жұмысының жалғасы ретінде қарастыруға болады. Қазақстан Республикасының Ресейдегі төтенше және өкілетті елшісі Қырымбек Көшербаев ресейлік бір газетке берген сұхбатында осындай пікір білдірді.

Қазақстан елшісінің жорамалдауынша, алдағы сапары барысында В.Путин Ресейдегі Қазақстан жылының қорытындысын шығарады. Елші сондай-ақ, Қазақстан Елбасы Нұрсұлтан Назарбаев 2004-жылды Ресейдің Қазақстандағы жылы деп жариялау туралы шешім қабылдағанын еске сала кетті. "Кездесуге арқау болатын басты оқиғалар осылар болмақ",- деді ол. "Әрине, президенттер бұл кездесуде кең көлемді мәселелер топтамасын талқылайтыны түсінікті жайт",- деді Қ.Көшербаев. ҚР президенті әкімшілігінен KZ-today тілшісіне хабарлағанындай, В.Путиннің Астанаға келу мерзімі алдын-ала ұйғарым бойынша 9-қаңтарға белгіленген.

Әріптестер жаңалығы

Пікір қалдырыңыз