Қарағанды облысында 2 жол апатынан 2 адам, соның ішінде екі жасар бала қаза тауып, 4 адам жараланды

Қарағанды облысы Шет ауданында Нұраталды-Ақшоқы автожолының 21-шақырымында 17-тамызда "Ауди-100" автокөлігінің жүргізушісі көлігін аударып алды. Бұл туралы KZ-today тілшісіне ҚР төтенше жағдайлар жөніндегі Агенттігінің баспасөз қызметінен хабарлады.

Апат салдарынан бір жолаушы оқиға орнында мерт болып, жүргізуші мен үш жолаушы, соның ішінде 10 жасар бала түрлі жарақаттармен ауруханаға түсті.

Сондай-ақ, бұл күні облыстың Жаңаарқа ауданында «Фольксваген Пассат» автокөлігінің жүргізушісі екі жасар баласын алып велосипедпен келе жатқан адамды соғып кетті. Апат салдарынан бала оқиға орнында көз жұмды.