Қарағанды облысында әскери күзет қызметкері тоққа соғылып қаза тапты

Қарағанды облысы Бұхар Жырау ауданының Нұра темір жол бекетінде дизельдік отын тиеген цистернаны тексеру кезінде "Бөрілі" көмір департаментінің ведомстволық әскери күзет отрядының 25 жастағы күзетшісі тоққа соғылып қаза тапты.

Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

ҚР төтенше жағдайлар жөніндегі министрлігінің түсініктемесіне сәйкес, күзет қызметкерінің қауіпсіздік техникасы ережелерін бұзуы жоғары кернеулі тоққа соғылуға себепкер болған.