Қарағанды облысында құс фабрикасында бір жұмысшы мерт болды

АСТАНА. 9-тамыз. Kazakhstan Today. Қарағанды облысында құс фабрикасында бір жұмысшы мерт болды. Бұл туралы Kazakhstan Today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Мекеме ақпаратына сәйкес, оқыс оқиға Қарағандының Октябрь ауданында солтүстік өнеркәсіптік зонада «Ақнар» ЖШС-нің құс фабрикасында 8-тамызда 9 сағат 25 минутта болған. Вагоннан астық түсіру барысында 40 жастағы жұмысшы астыққа көміліп қаза тапты.