Апат бүгін таңертең 5 сағат 30 минутта Шет ауданында болған. Төтенше жағдайлар департаментінің ақпаратына сәйкес, Алматы-Астана тас жолының 885-ші шақырымында Алматыдан Павлодарға келе жатқан жолаушы тасымалдайтын “Вольво” автобусы мен “МАН” жүк көлігі соқтығысып қалған. Департамент ақпаратына сәйкес, жол апатынан 14 адам қаза тауып, тоғызы жараланды.
Ал облыстық ішкі істер департаментінен хабарлағанындай, апат құрбандарының саны қазіргі жағдаймен 15-ке жетті. Зардап шеккен 11 адам ауруханада жатыр.
