Қарағанды облысындағы көмір кеніштерінің бірінде тау жыныстарының құлауы салдарынан екі адам мерт болды

Қарағанды облысының Сәтпаев қаласында "Қазақмыс"корпорациясына қарасты Шығыс Жезқазған кенішінде тау жыныстарының құлауы салдарынан екі адам опат болды. Бұл туралы KZ-today тілшісіне ҚР төтенше жағдайлар жөніндегі министрлігінің баспасөз қызметінен хабарлады.

Қайғылы оқиға 29-желтоқсанда 21 сағат 45 минутта №73 көмір кенішінде болған. 27 жастағы учаске мастері мен 35 жастағы жүргізуші үйінді астында қалды.

Төтенше жағдайлар жөніндегі министрлігінң ақпаратына сәйкес, қаза тапқандардың мәйітін үйінді астынан шахта жұмысшылары шығарып алды.