АСТАНА. 26-қаңтар. Kazakhstan Today. Қарағанды облысындағы тұрғын үйде болған өрт салдарынан екі адам қаза тауып, 1-2 дәрежелі күйік алған бір адам ауруханаға жеткізілді. Бұл туралы Kazakhstan Today тілшісіне Қазақстан Республикасының Төтенше жағдайлар министрлігінен хабарлады.
Ведмоства ақпараттарына сүйенсек, өрт Қарағандының Октябрь ауданында, 25-қаңтар күні 5 сағат 14 минутта басталған. 200 шаршы метр ауданды шарпыған тілсіз жауды сөндіру барысында 60 жасар әйел мен 13 жасар қыздың денелері табылды. Сондай-ақ, 1-2 дәрежелі күйік алған 60 жасар еркек ауруханаға жеткізілді.
Өрт 7 сағат 16 минутта сөндірілді. 7 сағат 55 минуттағы жағдай бойынша өрт Қазақстан Республикасының Төтенше жағдайлар министрлігінің күшімен, яғни жеке құрамның 23 қызметкері мен 5 техника құралдырымен сөндірілді.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті
