Қарағанды Мемлекеттік техникалық университетінің баспасөз қызметі хабарлағандай, акцияға ЖОО оқытушылары мен студенттерін қоса алғанда, барлығы 450 адам атсалысады. Қ.Байжанов атындағы облыстық концерттік бірлестіктің әртістері де студенттерге қосылып, күйді бір мезгілде шертеді.
«Бүгін түскі сағат 12.00-де еліміздің барлық жоғары оқу орындарында Құрманғазының «Сарыарқа» күйі бір мезгілде шертіледі. Бұл іс-шара Қазақстан Тәуелсіздігінің 20 жылдығына арналған», — деп атап өтті Қарағанды Мемлекеттік техникалық университетінің баспасөз қызметі.
Республикалық акцияға ҚР Білім және ғылым министрлігі мұрындық болып отыр.
