Бұл туралы бүгін Үкімет отырысында ҚР Ішкі істер министрі Қалмұханбет Қасымов мәлім етті.
Оның атап өтуінше, қазіргі уақытта Қарағандыда арнайы Халыққа қызмет көрсету орталығын құру бағытындағы жұмыстар ісжүзінде аяқталды. Автоматтандырылған автодром жабдықталып, автокөліктер сатып алынды. Автокөліктің тіркелгендігі туралы куәлік дайындайтын үш кешен, жүргізуші куәлігін дайындайтын бір кешен орнатылған.
«Желтоқсан айының басында ХҚО толығымен ашылуға дайын болады», — деді министр.
Дегенмен Қ.Қасымовтің сөзіне қарағанда, ағымдағы жылы еліміздің тағы 3 өңірінде осындай орталықтарды ашу мәселесі тұйыққа тіреліп отыр. «Әкімдіктердің ақпараттарына қарағанда Алматы мен Ақтау қалаларында ағымдағы жылдың соңына дейін ХҚО-лардың негізгі ғимараттары салынып бітеді. Алайда инфрақұрылымының дайын болмай қалуы айқын», — деді ол.
Сонымен қатар министрдің сөзіне қарағанда, Астана қаласында салынуы тиіс орталықтың тек жобалық-сметалық құжаты ғана әзір. «Осыған орай Астана әкімдігі ХҚО-ны пайдалануға беру мерзімін 2013 жылдың мамырына астыру туралы өтініш білдірді», — деді ІІМ басшысы.