Қарағандыда бір әйел дүкенде емізулі баласын тастап кетті

«Дүкендегі сатушы түнгі аусымда тұрғанында белгісіз әйел оған өзінің емізулі 8-9 айлық баласын тастап кеткенін айтты. Тастанды баланы бөбектер үйіне өткізді. Қылмыстық полиция қызметкерлері сәбидің анасын анықтады. Ол Осакаровка селосының жұмыссыз 28 жасар әйелі екен», - деді баспасөз қызметіндегілер. Әйелдің айтуынша, түнде оның баратын жері болмаған, ал таңертең ол баласын алып кетпекші болған. «Әйелдің өзімен бірге жеке куәлігі болмапты. Сәби бөбектер үйінде құжаттандырылғанша болады», - деді облыстық ІІД қызметкерлері.