Қарағандыда бір әскери комиссар пара алып жатқан жерінен ұсталды

Қарағанды облысы Қазыбек би аудандық комиссариатының бір әскери комиссары пара алған күдікті ретінде ұсталды. Бұл туралы Қарағанды облыстық ІІББ-ның баспасөз қызметінен KZ-today тілшісіне хабарлады.

Полковник тіркелгендігі туралы куәлікке «әскерге жарамды» деген белгі соқтырмақ болған жас жігіттен 10 мың теңге көлемінде пара алған.

Тұтқындау шарасын облыстық ІІББ-ның ұйымдасқан қылмыспен күрес жөніндегі орталық аймақтық басқармасының қызметкерлері жүзеге асырды. Қазір әскери қызметкер уақытша тергеу абақтысында отыр. Қылмыстық іс қозғалып, әскери полиция тергеу жүргізе бастады.