Қарағанды облыстық өртке қарсы күрес қызметінен хабарлағанындай, “Майқұдық“ ықшам ауданында орналасқан мәденет сарайында өрт шыққаны туралы ақпарат “01” қызметінің диспетчеріне бүгін таңертең 7 сағат 48 минутта келіп түскен.
Ғимараттың үшінші қабатындағы аппаратура, жиҺаз бен сахна өртенген. Өрт жалпы 80 шаршы метр аумақты шарпыды.
Өртке үшінші күрделілік дәрежесі берілді. Тілсіз жаумен күреске 14 өрт сөндіру көлігі жіберілді. 60-тан астам өрт сөндіруші бір жарым сағат бойы жалынмен арпалысты. 9 сағат 11 минутта өрт сөндірілді. Құрбан болғандар мен зардап шеккендер жоқ.
