Қарағандыда мас күйінде көлік айдаған полицей ішкі істер органынан қуылды

Бұл туралы облыстық ІІД-нің баспасөз қызметінен хабарланды. Ведомствоның берген мәліметтеріне қарағанда, қазан айының соңында облыстық ІІД кадрлық жұмыс басқармасының жеке құрамы бойынша инспекция қызметкерлері жол полициясы басқармасымен бірлесіп өткізген рейд барысында Қарағанды қалалық Ішкі істер басқармасы Киров полиция бөлімшесі кезекшілік бөлімінің бастығы мінген «Тойота» көлігін тоқтатты. Сараптама көрсеткендей, жүргізуші көлікті жүргізу кезінде мас болған. «Сол күні ІІД басшысының бұйрығымен полиция қызметкері қызметтік тәртіпті өрескел бұзғаны үшін ішкі істер органынан шығарылды», - деп хабарлады облыстық ІІД-нің баспасөз қызметінен.