Алғашқы премьерасы 1999 жылы өткен болатын, сахнаға алғаш «Қарагөз» бейнесін актриса Шолпан Мұқышева және ҚР жастарының «Серпер» сыйлығының иегері Алтынай Нөгербек сомдаған.
Араға 12 жыл салып театрдың шығармашылық ұжымы Ә.Мәмбетовтың қойылымдарының ғұмырын ұзарту, «рөлді жаңғырту» дәстүрімен және өнерге жаңадан келіп жатқан жастарды қолдау мақсатында оған Қазақ Өнер университетінің «Актер шеберлігі» мамандығының 4 курс студенті Таңсұлу Мұзаппарованы лайық деп тапты. Трагедияда Қарагөз сұлу сегіз қырлы, бір сырлы Нарша атты жігітке айттырылып қойылады. Махаббаттың мәңгілік дастанына айналған Қарагөздің өмірі шым-шытырық оқиғаға толы. Ол аталас бауыры Сырымға ғашық болады. Алайда Қарагөздің жүрегінде Сырымға деген алаулаған махаббат сезімі оны бақытты ете алмайды…
