Қарамағындағы тәртіп сақшылары жаппай төбелеске қатысқан Қарқаралы аудандық полиция бөлімшесі басшылары қызметтен қуылды

Кеше облыстық ІІД бастығы Нұрлан Рақымберлиннің бұйрығымен Қарқаралы аудандық ІІБ бастығы, оның бірінші орынбасары, патруль полициясы полкі батальонының бастығы мен әкімшілік полиция бөлімі бастығының орынбасары жұмыстан босатылды.

«Жаппай төбелеске осы бөлімшелердің үш қызметкері қатысқан. Олардың екеуі — патруль полициясы полкінің, үшіншісі әкімшілік полиция бөлімінің қызметкерлері», — дейді сұхбат беруші.
Ұжымдағы тәртіпті дұрыс бақылауға алмады деген себеппен қызметтен босатылғандар кадрлық резервке жөнелтілді. Алдағы уақытта олар босаған орындарға қызметке алынбақ.
Төбелеске қатысқан үш полицейдің күдіктілерге жататыны, әлде жапа шегушілер қатарына кіретіні әлі анықталған жоқ.
Бұған дейін сейсенбіге қараған түні Атырауда жаппай төбелес болып, салдарынан бір адам көз жұмғанын, тағы бес адам аурухананың жан сақтау бөліміне түскенін хабарлаған болатынбыз.