Гүлмира Беделбаевадан жәбір көрген қол астындағылары арызбен қоса шенеуніктің кезекті балағатын таспаға жазып ала кепті. Кеңес мүшелері бейпіл сөздерден құлақ тұнатын таспаны тыңдап жағаларын ұстады. Алайда қысым көргендер ағынан жарылғанымен, шенеунік те құр келмепті. Арызқой жұмыскерлерінің сазайын беру үшін адвокатын ертіп алған. Айтуынша оның сөздерін таспаға жазуға ешкімнің құқы жоқ, тіпті ондағы дауыста өзінікі емес көрінеді. Куәгерлерлер түгілі, ара тұра кеңес мүшелерімен де салғыласқан шолақ бастық бет бақтырмады. Әдепсіз келіншектің әкіреңдеген қылғын көрген кеңестегілер ақыры оны қызметтен қуу керек деген шешімге келген.