Қазақ батальонының инженерлік -саперлік отрядының алғашқы тобы бүгін Иракқа аттанады

Бүгін, 19-тамызда Қазақ батальонының инженерлік -саперлік отрядының 14 әскери қызметкерден құралған алғашқы тобы Алматыдан Иракқа аттанады. Бұл туралы KZ-today тілшісіне ҚР Қорғаныс министрлігінің баспасөз қызметінен хабарлады.

Отрядтың жалпы құрамы 27 адамнан тұрады. Қазақстандық бөлімше халықаралық одақтың тұрақтандырушы күштері құрамында әрекет етеді. Отряд құрамында борышын шарт негізінде өтейтін әскерилер, офицерлер мен аудармашылар бар.

Инженерлік-саперлік отрядтың басты міндеті — жарылғыш заттар құрылған алаңдарды залалсыздандыру болып табылады.