Енді Caravan.kz медиа-порталының тілшілері Сүлейменовке дейін осындай уәде берген танымал азаматтарды елдің есіне сала кеткенді жөн көрді.
Тимур Сүлейменов. Eurasiancommission.org фотосыҒаламторды ақтарып отырып, кезінде басшылық қызметтегі біраз адамның қазақ тілін үйренемін деп айтқанын байқадық.
Берік Имашев
Орталық сайлау комиссиясының төрағасы Берік Имашев 2012 жылдың күзінде (ол кезде әділет министрі) қазақшаны жарты жылда үйренемін деп уәде беріпті. Сол уәдесінде тұрып, 2013 жылы ақпан айында Мәжілістің бір отырысында мемлекеттік тілде баяндама жасап, тіпті депутаттардың қазақша сұрақтарына ана тілінде мүдірмей жауап берген.
Берік Имашев. Ortcom.kz фотосыНұралы Сәдуақасов
Нұралы Сәдуақасов Қостанай облысының әкімі болып тұрған кезінде, яғни 2013 жылдың желтоқсан айында қазақ тілін үйренемін деп уәде берген. Бірақ оның осы қызметтен босатылғанға дейін қазақша қатырып сөйлегенін естімеппіз. Ол 2015 жылдың қыркүйегінде қоластындағылардың жемқорлық дауына іліккеніне байланысты өз еркімен әкімдіктен кетті. Сәдуақасов қазір бизнеспен айналысады.
Нұралы Сәдуақасов. Timeskz.kz фотосыСтефано Раваньян
Италияның Қазақстандағы елшісі Стефано Раваньян қазақ тілін үйренемін деп өткен жылдың сәуір айында уәде беріпті. Ол мұны Атырау облысының әкімі Нұрлан Ноғаевпен кездесуі кезінде айтқан. Өйткені сол кезде әкім тек қазақша сөйлеп, итальян тіліне орысшадан ғана аудара алатын тәржімашыға қиындық тудырды.
Стефано Раваньянның Нұрлан Ноғаевпен кездескен сәті. AтPress фотосыДанияр Ақышев
2015 жылдың қарашасынан бері Ұлттық банктің төрағасы қызметін атқарып келе жатқан Данияр Ақышев былтыр маусым айында журналистерге «Келесі жылы қазақ тілінде толыққанды сұхбат бере бастаймын» деді. Оның сол уәдесін қаншалықты орындайтынын биыл білеміз.
Данияр Ақышев. Informburo.kz фотосыФархад Харки
Байқап қарасақ, әлгіндей уәдені тек шенеуніктер ғана бермепті. 2016 жылы Рио-де-Жанейрода өткен XXXI жазғы Олимпиаданың қола жүлдегері Фархад Харки де тіл білуге ниетті екен. Қытайдан келген ауыр атлет былтыр тамызда Ақтөбедегі бір бөлмелі пәтердің кілтін сыйлық ретінде алып тұрып, қазақ тілін үйренуге уәде берген болатын.
Фархад Харки. Diapazon.kz фотосыГеннадий Колбин
1986-89 жылдары Қазақстан Компартиясы ОК бірінші хатшысы болған Геннадий Колбин де осы қызметте отырған кезінде қазақ тілін үйренемін деп уәде берген еді. Алайда оның бұл уәдесін орындамаған күйі кеткенін көпшілік біледі.
Геннадий Колбин