Өзбекстандық БАҚ-тар Қазақстан туралы не жазып жатқанына Caravan.kz порталы шолу жасап көрді.
Қазақ-Ресей шегарасына Өзбекстаннан 15 автобус жолға шықты.
26 қыркүйекте Ресейдің Самара облысына Көлік министрлігіне қарасты «Узаутотранс» қызметінің 15 автобустан тұратын тағы бір колоннасы жолға шықты. Бұл арнайы автобус қызметтері Қазақстан мен Ресей Федерациясы белгілеген барлық санитарлық ережелер мен талаптарды қатаң сақтай отырып жүзеге асырылады, деп хабарлады qalampir.uz порталы.
Бұған дейін, 23 қыркүйекте Өзбекстанға оралғысы келетін Ресей Федерациясының Самара облысында жиналған азаматтарды үйіне әкелу үшін Ресейге 15 автобустан тұратын алғашқы керуен жіберілді.
Қазіргі уақытта 750 азаматты тасымалдайтын бұл автобустар Өзбекстанға 27 қыркүйекте келуі керек.
Қазақ пен өзбектің тату көршілік қатынастар мәселесі қаралды
Өзбекстан Президенті Шавкат Мирзиёев пен Қазақстанның Тұңғыш Президенті Нұрсұлтан Назарбаев 25 қыркүйекте ездесу өткізді. Кездесу қазақстандық тараптың шақыруы бойынша Түркістан облысының Сарыағаш қаласында Өзбекстанмен шекарасында өтті. Бұл туралы Президенттің баспасөз қызметі хабарлады, деп жазды daryo.uz басылымы.
Екі елдің басшылары Өзбекстан-Қазақстан стратегиялық серіктестігінің қазіргі жағдайы мен перспективаларын талқылап, аймақтық және халықаралық маңызы бар өзекті мәселелер бойынша пікір алмасқаны атап өтілді.
Коронавирустық инфекцияның ғаламдық таралуының салдарын тез арада жеңу үшін үкіметтік деңгейде тығыз үйлестіруді және тиімді ынтымақтастықты жалғастыруға ерекше назар аударылды. Әңгіме барысында Шавкат Мирзиёев пен Нұрсұлтан Назарбаев бауырлас Өзбекстан мен Қазақстан халықтары арасындағы тату көршілік қатынастар мен жан-жақты байланыстарды нығайтуға деген адалдықтарын тағы да айтты.
Бұған дейін Нұрсұлтан Назарбаев Шавкат Мирзиёевті Өзбекстан тәуелсіздігінің 29 жылдығымен құттықтаған, сол үшін Президент оған алғыс айтқан.
Құс тұмауы Қазақстанның төрт облысында таралды
Құстар тұмауы Қазақстанның төрт облысында таралатыны ресми түрде расталды. Инфекция жалпы су объектілері арқылы таралып, зауыттар мен жеке қосалқы шаруашылықтарда барлығы 54000 құсты өлтірді.Құс тұмауы Қазақстанның төрт облысында таралғаны расталды, деп жазды gazeta.uz
Хабарламаға сәйкес, өлім солтүстіктен оңтүстікке қоныс аударған жабайы құстардан басталған. Инфекция жалпы су айдындары арқылы таралды. Зауыттар мен жеке қосалқы шаруашылықтарда барлығы 54000 құс қырылды. Қазақстанның Ауыл шаруашылығы министрлігі олардың иелеріне шамамен 390 миллион теңге бөліп, өтемақы төлейтінін мәлімдеді.
Еліміздің бес аймағындағы 47 елді мекенде құстардың жаппай қырылуы байқалды. Ақмола, Солтүстік Қазақстан, Павлодар және Қостанай облыстарында құс тұмауы ресми түрде расталды. Дәл осындай жағдай Қарағанды облысында да байқалады, ең үлкен шығын Солтүстік Қазақстандағы құс фабрикаларына келтірілген. Онда 41000 құс қырылды. Аймақтың 23 елді мекенінде құс тұмауы ресми түрде расталды. Қазіргі кезде ауру жұқтырған құстар кәдеге жаратылуда.
