Қазақстан 2009-жылы Еуропадағы қауіпсіздік және ынтымақтастық жөніндегі ұйымына төрағалық жасау мүмкіндігіне ие -АҚШ Хельсинки комиссиясы

Қазақстан 2009-жылы Еуропадағы қауіпсіздік және ынтымақтастық жөніндегі ұйымына төрағалық жасау мүмкіндігіне ие. АҚШ Хельсинки комиссиясының тең төрағасы, конгресс мүшесі Кристофер Смит Еуропадағы қауіпсіздік және ынтымақтастық жөніндегі ұйымы Парламентаралық ассамблеясының Вашингтон қаласында өткен 14-ші отырысына қатысқан Қазақстандық парламент өкілдерімен кездесуде осындай пікір білдірді.

К.Смиттің айтуынша, «Еуропадағы қауіпсіздік және ынтымақтастық жөніндегі ұйымына төрағалықтан үміткерге қойылатын барлық талаптарды саяси ерік-жігер болған жағдайда орындауға толық мүмкіндік бар».

АҚШ-тың Хельсинки комиссиясы 1976-жылы құрылған. Ол Хельсинки келісімдерінің тәртіптерін жүзеге асырудағы жетістіктерду ынталандыру, түрлі мониторинг жүргізумен шұғылданатын тәуелсіз федералдық агенттік. Комиссия құрамына 9 сенатор, өкілдер палатасының 9 мүшесі, сондай-ақ, АҚШ мемлекеттік департаменті, қорғаныс министрлігі мен сауда министрліктерінен бір-бір өкілден енеді.