Кеңесте негізінен Орта Азиядағы көршілеріміздің ахуалы мен төңіректе жүріп жатқан өзгерістер туралы мәселе көтерілді. Осыған орай, президент Қазақстанның күш құрылымдарының алдына аймақтағы серіктестерімен өзара іс-қимылды күшейту міндетін қойып отыр. Сондай-ақ, Каспий теңізі аймағындағы ахуал да назардан тыс қалған жоқ. Бұл ретте Нұрсұлтан Назарбаев Үкіметке және мүдделі мемлекеттік органдарға өңірдің инфрақұрылымын дамыту, әлеуметтік-экономикалық және экологиялық түйткілдерін шешу жөнінде қажетті шараларды қолға алуды тапсырды.