Қазақстан ауған әйелдері үшін транзиттік дәліз ұсынды — деп хабарлайды Tengrinews.kz тілшісі Сыртқы істер министрлігінің баспасөз қызметіне сілтеме жасап.
"Қазақстан Республикасының гуманитарлық саладағы халықаралық міндеттерін ескере отырып, Президент ауған әйелдері үшін транзиттік дәліз ұсыну туралы шешім шығарды", — деп хабарлады СІМ.
Транзит арқылы Алматы әуежайынан басқа елдерге ұшуға болады.
Бұған дейін 17 қазанда Тоқаевтың халықаралық ынтымақтастық жөніндегі арнайы өкілі Ержан Қазыхан бастаған делегация Ауғанстанға
барған еді. Сыртқы саяси ведомство сапар аясында Қазақстанның Ауғанстан халқына гуманитарлық көмек көрсетуі, сондай-ақ, сауда-экономикалық байланыстарды қалпына келтіру мәселелері талқыланғанын хабарлаған.