Қазақстан аумағының басым бөлігінде бұрқасын, тұман, жолдарда көктайғақ болады - 22 қарашаға арналған ауа райы болжамы

Қазақстанның батыс бөлігі ғана антициклонның ықпалында болып, мұнда жауын-шашынсыз күн райы күтіледі, деп хабарлайды ТЖМ-нің баспасөз қызметі Қазгидрометке сілтеме жасай отырып. Ақмола облысының кей жерлерінде бұрқасын, жолдарда көктайғақ болады, желдің жылдамдығы 15-20 м/с болуы ықтимал. Қостанай, Солтүстік Қазақстан, Павлодар, Шығыс Қазақстан облыстарында, күндіз Қарағанды облысының кей жерлерінде 15-20 м/с жылдамдықпен жел, бұрқасын соғады деп күтілуде. Жамбыл, Оңтүстік Қазақстан, Алматы облыстарында кейбір жерлерде тұман түсіп, желдің жылдамдығы 15-20 м/с дейін жетеді. Алдағы тәулікте Қазақстанның солтүстік, солтүстік-шығыс, орталық, шығысындағы суларында және оңтүстік-шығысындағы жекелеген өзендерде мұз қату үдерісі жалғасады, осыған байланысты республиканың шығысындағы жекелеген өзендерде су деңгейі көтерілуі мүмкін. Республиканың оңтүстік және оңтүстік-шығысындағы көптеген өзендерде су бетінің одан әрі салқындауы байқалады. Шардара су қоймасынан толқындардың таралуы есебінен Оңтүстік Қазақстан және Қызылорда облысының оңтүстігіндегі Сырдария өзенінде су деңгейі көтерілуі мүмкін.