Қазақстан Баку бағытында мұнай тасымалдау көлемін арттыра түсті

Қазақстан Баку бағытында мұнай тасымалдау көлемін арттыра түсті. Каспий теңізі кеме шаруашылығының (КАСПАР) басшысы Айдын Башировтың KZ-today тілшісіне хабарлағанындай, осы айда КАСПАР-ға Баку бағытында 600 мың тонна Қазақстан мұнайын тасымалдау туралы өтініш келіп түкен. Одан әрі қарай мұнай Баку-Батуми бағытындағы темір жолмен Батуми айлағына жеткізіледі,- деп хабарлайды KZ-today тілшісі Бакуден.

Кеме шаруашылығы төрағасының айтуынша, бұл айлық орташа көрсеткіштерден 300-350 мың тоннаға артық. А.Башировтың айтуынша, Қазақстан мұнайын тасымалдау көлемінің артуы Иранның Нека айлағы қызмет көрсетіп үлгере алмағандықтан көп кеменің сонда қаңтарылып қалуына байланысты.

КАСПАР басшысының айтуынша, сондай-ақ, Түрікменстаннан тасымалданатын мұнай және мұнай өнімдерінің көлемі де арта түсті. Негізінен ашық түсті мұнай өнімдерін тасымалдау көлемі арта түсу ағымы байқалып отыр.
Бұдан бұрын да хабарлағанымыздай, жалпы алғанда 2004-жылы КАСПАР тасымалданатын жүк көлемін биылғы болжамдық 13 млн. тоннадан 14 млн. тоннаға дейін жеткізуді көздеп отыр. 2003-жылы кеме шаруашылығы 13,2 млн. тонна түрлі жүктер тасымалдаған, олардың 8,875 млн. тоннасы мұнай өнімдері.