Қазақстан Бүкіләлемдік ЭКСПО-2017 көрмесін жарқын, ерекше, табысты өткізетініне сенемін - Ху Цзиньтао
|
Мемлекет басшысы Нұрсұлтан Назарбаевтың атына Қытай Халық Республикасының Төрағасы Ху Цзиньтаодан хат келді. |
ҚХР Төрағасы Қазақстан Президентіне Қытай Коммунистік партиясы 18-съезінің табысты шақырылымына байланысты жолдаған құттықтау хаты үшін алғыс айтқан, деп хабарлайды Мемлекет басшысының баспасөз қызметі.
Өз кезегінде, ҚХР Төрағасы Нұрсұлтан Назарбаевты Қазақстанның ЭКСПО-2017 халықаралық көрмесін өткізу құқын жеңіп алуымен құттықтаған.
«Бұл - Қазақстанның әлеуметтік-экономикалық даму ісіндегі табыстарын халықаралық қоғамдастықтың мойындауы. Қазақстан Бүкіләлемдік жарқын, ерекше, табысты көрме өткізетініне сенемін» делінген хатта.
Құттықтау хатының соңында Х.Цзиньтао Нұрсұлтан Назарбаевқа - денсаулық және қызметінде табыс, Қазақстан мен оның халқына өсіп-өркендеу тілеген.
Пікір қалдырыңыз
Пікір қалдыру тіркелген пайдаланушылар ғана мүмкін