Итальяндық саясаткер және журналист Жан Гуидо Фоллони қазақ елі бұл миссияға лайықты түрде ие болды деп есептейді. Қауіпсіздік кеңесіне мүше болу үлкен жауапкершілік, бірақ абыройлы жұмыс.
— Ең басты артықшылығы – әрине, мойындалу. Аймақтағы негізгі сенімді ел ретінде танылу. Бұл инвесторларды тартуға сөзсіз мүмкіндік береді. Қазақстанға берілген 138 дауыс артығымен көп. Бұл инвесторлар үшін сенім артуды және жауапкершілікті білдіреді. Олар жаңа мүмкіндіктерге толы, әлем инвесторлары үшін қыруар жұмыс бар Қазақстанға үлкен қызығушылық танытатын болады, дейді Италияның Азия мен Жерорта теңізі жөніндегі институтының президенті Жан Гуидо Фоллони.
