Жарияланды: 600

Қазақстан ДСҰ-ға енген соң автокөліктерге кедендік баж салығы төмендейді

Қазақстан ДСҰ-ға енген соң автокөліктерге кедендік баж салығы төмендейді

Қазақстан Дүниежүзілік сауда ұйымына (ДСҰ) кірген соң автомобильдерге кедендік баж салығы төмендейді, деп ҚР экономикалық интеграция істері жөніндегі министрі Жанар Айтжанова мәлім етті.

«Ресей ДСҰ-ға кірген соң, автомобильдерге импорттық кедендік баж салығы либералданады, ал Қазақстан ДСҰ-ға кірген соң, Қазақстан мен РФ арасындағы міндеттер бойынша айырмашылығы бар тауарлар жөнінде біз қосымша келіссөздер жүргіземіз. Сөйтіп, сол кезде бар ставка қабылданатын болады. Ол бүгін қолданыстағы мөлшерлемеден төмен болады (2011-ші жылғы 1-ші шілдеден бастап КО аясында – ҚазТАГ), бірақ ол еліміз ДСҰ-ға енген соң болады», - деді Ж. Айтжанова бейсенбі күні сенаттың алқа отырысында. Бұл ретте ол, 2011-ші жылдың 1-ші шілдесінен бастап жеке тұлғаларға сырттан автокөлік әкелудегі жеңілдіктер алынып тасталып, 30% мөлшеріндегі бірыңғай кедендік тариф енгізіледі деді. Бұрын хабарланғандай, Қазақстан ДСҰ-ға ену туралы келіссөздерді 2012-ші жылы аяқтайды.

Пікір қалдырыңыз

Пікір қалдыру тіркелген пайдаланушылар ғана мүмкін