Мысалы, 2017 жылдың қаңтар-қазан айларында еліміздегі құнсыздану деңгейі 5,4 пайызды құраған. Ал көрші Қырғызстанда бұл көрсеткіш бар жоғы 2 пайыз, Ресейде 1,9 пайызды құрапты. Бұл туралы Caravan.kz медиа-порталы Energyprom зерттеу порталына сілтеме жасап хабарлайды.
Аталмыш зерттеу порталы келтірген деректерге қарағанда елімізде азық-түлік бағасының өсуі де көрші елдерден көш ілгері. 4,5 пайыз көрінеді. Ал Қырғыз елінде азық-түлік бар жоғы — 0,9, Ресейде -0,3 пайызға ғана өскен.
Қазақстанда ең көп қымбаттаған жанар-жағар май. Жыл басынан бері бірден 17,3 пайызға көтерілген. Ал Қырғызстанда бар жоғы 3,5 пайызға өсіпті. Дегенмен, аталған елде темекі, ет өнімдері мен жеміс-жидек көбірек қымбаттаса, Ресейде темекі өнімдері мен сүт өнімдері өскен.
Ал жалпы 2016 жылдың қорытындысы бойынша Қазақстан Еуразиялық Экономикалық Одақ елдері арасында инфляция деңгейі ең жоғары ел болып отыр.
