«Қоғамға белгісіз ешқандай құпия бағдарламаның (Қытайдың ҚР-дағы инвестициялары бойынша — ҚазТАГ), жерді қытайлық компанияларға беру буралы ешқандай бағдарламаның жоқ екені туралы жауапкершілікпен мәлімдеймін… заң бойынша мұны жасау мүмкін емес. Бұл – принципиалды ұстаным және ол өзгермейді», — деді К. Мәсімов жұма күні zakon.kz сайтындағы онлайн-конференцияда пайдаланушылардың сұрақтарына жауап бере отырып.
Үкімет басшысы бұл тақырыптың бұрыннан көтеріліп, оған саяси мән беріліп келгенін және ол біреулерге тиімді болуы мүмкін деген болжам айтты.
«Қазақстан — өзінің ұлттық мүдделері, ұлттық бизнесінің мүдделері бар тәуелсіз мемлекет», — деді К. Мәсімов.
«Біз әлемдік экономикадан тыс өмір сүре аламыз ба? Әрине, жоқ. Сондықтан да біз сауданы дамыту, инвестицияларды тарту бойынша көпвекторлы саясат жүргізуге тиіспіз», — деді премьер.
Оның айтуынша, ҚР-дағы ең ірі инвестор — АҚШ, ең ірі сауда әріптесі — Еуропа одағы. «Қытай да маңызды орын алады, бірақ біз бәрін тең ұстауға тиіспіз және бірінші кезекте, ДСҰ, КО және т.с.с. нормалары бойынша қазақстандық бизнеспен ықпалдастық призмасы арқылы өтуге тиіспіз», — деді ол.