Қазақстан елшісі Италия президентіне сенім грамотасын табыс етті

Сенім қағазын табыс ету рәсімінен кейінгі әңгіме барысында Италия президенті Қазақстанның тәуелсіздік жылдарында қол жеткізген табыстарына жоғары баға берді, деп хабарлайды баспасөз қызметі. К.Чампи Қазақстан-Италия қарым-қатынасының қарқынды дамып келе жатқанын атай отырып, екі жақты ынтымақтастықтың басымдық берілген салаларының аясын кеңейту қажеттігін атап көрсетті.

Ал Қазақстан елшісі Елбасы Нұрсұлтан Назарбаевтың атынан Италия президентіне сәлем жолдап, елге гүлдену, ал Қазақстан-Италия достық байланыстарына тереңдік тіледі.
Бұдан бұрын да хабарлағанымыздай, А.Хамзаев Қазақстан Республикасының Италиядағы төтенше және өкілетті елшісі болып қазан айының басында тағайындалған.