«Егер сіздер Қазақстан ипотекалық компаниясының бағдарламасына сәйкес ипотекалық несие алуға ұйғарсаңыз, онда, компанияның несие алушылармен тікелей жұмыс істемейтінін білгеніңіз абзал. Демек, ипотекалық несие алу туралы келісім-шарттарына компания қол қоймайды»,- делінген компанияның азаматтарға арнаған мәлімдемесінде. Несие туралы ипотекалық компанияның әріптес банктері ғана шарт жасаса алады, деп ескертеді компания.
«Әріптестер — екінші деңгейлі банктер мен банк қызметінің жекелеген түрлерін жүзеге асырушы ұйымдар»,- дейді баспасөз қызметі. «Қазақстан ипотекалық компаниясының бағдарламасына сәйкес ипотекалық несие алған жағдайда жаңсақтыққа жол бермеу үшін ипотекалық несие жөніндегі келісім-шартын баспана сатушылармен, құрылыс компанияларымен және риэлторлармен жасасуға болмайды»,- дейді компаниядағылар.
