Гранд-финалда үстіміздегі жылы Қазақстанның тоғыз өңірінде: Астана, Алматы, Ақтөбе, Қарағанды, Қызылорда, Петропавл, Семей, Талдықорған және Қостанайда өткен іріктеу байқауларының жеңімпаздары бақ сынайды.
«Қазақстан ханымы» байқауына қатысудың бірден-бір шарты — отбасында балалардың болуы.
Ақтық сайыстың жеңімпазы «Әлем ханымы — 2011» байқауында Қазақстан атынан сынға түсетін болады. «Әлем ханымы» тұрмыс құрған, жасы 30-ға толмаған келіншектерге арналған жалғыз сайыс. 1977 жылдан бері тұрақты түрде өткізіліп келе жатқан халықаралық байқауға жыл сайын әлемнің 80-нен астам өкілі қатысады.
Мәлім болғандай, өңірлерде өткен іріктеу кезеңдері мен байқаудың гранд-финалына билеттердің сатылымынан түскен қаражаттар жетім балалар мен ата-ананың қамқорлығынсыз қалған балаларға жолданады.
