Қазақстан мен Әзербайжан бас прокурорлары қамаудағыларды экстрадициялау мәселесін талқылайды

Бакуге үш күндік ресми сапармен баратын Қазақстан Бас прокуроры Рашид Түсіпбеков пен Әзербайжан бас прокуроры Захид Гаралов 26-ақпанда қамаудағыларды экстрадициялау және оларға заңгерлік көмек көрсету саласындағы ынтымақтастық аясын кеңейту мәселелерін талқылайды,- деп хабарлайды KZ-today тілшісі.

Сапар барысында бұған қоса заңсыз есірткі айналымы, арам ақшаны айналымға енгізу, трансұлттық экономикалық және халықаралық қылмыстар мен лаңкестікпен күрес мәселелері сарапқа салынады.

ҚР Бас прокурорының сапары 28-ақпанда аяқталады.